الحركة الطلابية والعنف الاسباب والحلول ؟؟؟

---

ايها الاحباب سلام ومحبة ..وبالناس المحبة وعلي الارض السلام ...
اسمحو لي ان افتح لكم اليوم جرحا اخر او اكشفه لكم لانه يتقيح دوما ومنذ زمن بعيد علنا نناقش اسباب هذا الجرح واسباب تعقيداته وكيفية المعالجة حتي لا نلجاأ لبتر عضو حيوي في الحياة الساسية والعلمية .
الحركة الطلابية السودانية كانت تتميز دون غيرها من الحركات الطلابية العربية والاسلامية بالوعي المتقدم والدور الفاعل الذي يمثل رأس الرمح في النضال الوطني في السودان وفي حركات التحرر ولاستقلال وفي تشكيل الوعي الوطني.
فقد تميزت هذه الشريحة دون سواها من شرائح المجتمع الاخري وبسبب خاصية شبابها المتجدد وحراكها المستمر ووعيها المتقدم تميزت بريادتها وقيادتها لحركة النضال الوطني في السودان وفي تفريخ كوادر الحركة الوطنية السودانية المتمثلة في كل قوي التكنوقراط وقوي حركة النضال الوطني في السودان فقد كان الازهري والمحجوب محمد اجمد وعبد الخالق وسر الختم الخليفة ومبارك زروق ومن بعدهم نقد والترابي وعمر بشير وبدر الدين مدثر والشريف وغيرهم من قادة الاحزاب السياسية السودانية كانو خريجو هذا الوسط المتحرك الحيوي وكانو نتاجها .
وكانت ساحات الطلاب هي ساحات للحوار الوطني المتلمس لقضايا الوطن وهمومه وكانت قرنا استشعار الوطن التي تتحسس كل مهددات الوطن وتتابعها بالحوار والنقاش والمعالجة .
لكن المتتبع لتطور الحركة الطلابية السودانية يسهل عليه تلمس ظاهرة العنف الطلابي التي ااصبحت هي السمة الغالبة في كل ساحات الحركة الطلابية ليتحول القتل والضرب والسيخ والاسلحة البيضاء والحمراء هي بدائل الحوار الديمقراطي المتفتح الهادف .
واصبح المنهج الاقصائ للاخر وبالعنف وحده هو المسيطر علي هذه الحركة ووعلي هذا المجتمع الطلابي .
فماهي اسباب هذه الظاهرة التي تهدد امن وسلامة الوطن والمواطن ؟؟؟ ومتي ظهرت ؟؟؟ وكيفية معالجتها هي الهدف الاساسي من هذا الحوار لتسليط الضو علي هذه الشريحة المهمة في قيادة اي نضال وطني ووضع الحلول لها؟؟؟؟؟؟؟؟؟؟؟؟
تأريخيا يؤرخ لظهور بدايات هذه الظاهرة في الستينيات من اهذا القرن الفترة التي شهدت ميلاد الاحزاب العقائدية اخوان مسلمي وشيوعين وحسم الصراع بينهم وبسبب ضيق البعض من فكرة قبول الاخر قد افرز النواة الولي لظهور هذه الحالة .
وقد ظهرت بشكل اوضح عندما حاول الاخوان المسلمين تحجيم ومحاصرة المد الشيوعي في السودان واستثمار فرصة ندوة المعهد العلمي في الستينات واستغلال حديث الافك حول السيدة عائشة لاخراج مظاهرة تطالب باخراج نواب الحزب الشيوعي المنخبين من البرلمان مما انعكس بشكل صارخ علي الصراع في ساحة جامعة الخرطوم والفرع .
والملاحظ للوضع الطلابي الان والية الصراع التي اخذت منحني اخر خطير في عدم قبول الاخر وقبول الراي الاخر في ساحات الطلاب السودانية يستطيع الوقوف بشكل واضح علي مدي خطورة هذا الانزلاق وهذا الانحدار نحو الهاوية وما حوادث الاغتيالات وسط جامعة الخرطوم والنيلين والسودان والجزيرة الا صورة مصغرة للمشهد الدموي الذي تتجه له الحركة الطلابية .
فهل هذا الوضع هو انعكاس للاحتراب والاقتتال والأزمات الوطنية ؟؟
هل هو انعكاس لتخطيط خفي تقوده هذه القوي الساسية وسط منتسبيها في الجامعات وتشجع عليه وترعاه بعد ان غاب سلاح دحر الفكرة بالمنطق والعقل ؟؟؟
هل ما يدور في دارفور ومدن اخري علاقة بهذا الواقع في الحركة الطلابية ؟؟؟
كلها محاور ارمي بها اليكم للخروج بمعالجات لهذا الواقع المرير....؟؟؟
وننتظر الحوار

محمد الحسن سالم (حميد) نحروه ام انتحر؟؟؟

---

الاخوة الاعزاء هذا بوست قد قمت بكتابته في احدي المنتديات ( منتديات سوداني) ولتعم الفائدة والتي اطلبها انا قبللكم اطرحه عليكم هنا للحوار والنقاش :

الأخوة عشاق الشعر المقاوم دعونا نرفع هذا البورد لنقد تجربة المبدع حميد وقدرته الا محدودة في تثوير الشارع السوداني حد الهتاف والخروج بكلماته التي تاتيك مغموسة في طين الجروف و يفوح منهارائحة المطر والتراب كلل شعره قصة وخنجرا في خاصرة من نهبو الوطن دون وجه حق هو ذلك حميد الذي نعرفه وسأعوود لمناقشة تجربته بالتفصيل.
ولكن السؤال الأن هل القي حميد عصاء ذلك النوع من الشعر وأتجه يمينا ليجد له عاصما من الحريق ام انه اتجهه نحو ربدته ـ نوري املا في الأستوزار؟ هل اسكتوه ام ادركه الصباح فسكت؟وهل وافق ود ست الدار علي الطهور دون ان ينتظر عودة ابيه؟وهل توقف زيت العامل عن الطلوع ليبداء زيت المكنات ألأمريكية في الطلوع؟فهل نحر بضم النون حميد الشاعر ام انتحر؟راجعلك.......؟
حميد من دخل قلب الناس الغبش فهو امن لأنهم لايريدون منك غير نغيما...وماذا ستقول لأتبرا عندما تيمم وجهك شطر القصر النظام؟وكيف تلتقيك نورا بت الواطا اختي التي ملاها الهم قطائع؟
لا خلاف حول شاعريةهذا الحميد وقد التقيت به مرتين واحدة في مدينة الصمودعروس الرمال وكاد ان يصيبنا بانفجار كل شرايين الرأس عندما عبأنا بثورة شعره حد البكاء والأنفجار لكنه اختفي تماما عن الساحة وبدأ يدور الهمس عن مصالحته للنظام ومن فرط حبي له طرحت هذا البورد عسي ان يطمئن قلبي او اجد هدي
احبائي الاعزاء هي اسئلة فجرها خوفي علي هذا الشعر وذاك الشاعر الذي اصبح رمزا للجمال والنضال فهل استطيع انفكاكا من هذا الوسواس عبركم
لكم وله نورة
وعطبرة
ومصابيح السما التامن

ما بين الاسطي حراجي القط والزين ود حامد ..لحميد والابنودي

---

)))

جوابات حراجي القط العامل في السد العالي وزوجته فاطنه عبد الغفار في جبلاية الفار

الجوهرة المصونه
والدره المكنونه
زوجتنا فاطنه أحمد عبد الغفار
يوصل ويسلم ليها
في منزلنا الكاين في جبلايه الفار

أسوان ... الرسالة 1

أما بعد .. لذا كنت هاودت كسوفي ع التأخير
سامحيني يا فطنه في طول الغيبه عليكم
وأنا خجلان .. خجلان .. وأقولك يا زوجتنا أنا خجلان منكم ..
من هنا للصبح ..
شهرين دلوقت ..
من يوم ما عنيكي يا فاطنه .. بلت شباك القطر ..
لسوعتي بدمعك ضهر يديَ
لحضتها قلت لك :
(( قبل ما عوصل عتلاقي جوابي جي ... ))
نهنهتي .. وقلتي لي بعتاب:
(( النبي عارفاك كداب .. نساي
وعتنسى أول ما عتنزل في أسوان .. ))
حسيت واليد بتخطفها يد الجدعان
بالقلب ف جوفي ما عارف ان كان بردان .. دفيان
والبت عزيزه والواد عيد
قناديل في الجوف .. زي ما بتضوي .. بيقيد ..
.......... والقطر إتحرك ..
وقليبي بينتقل من يد لإيد .
والقطر بيصرخ ويدَودِو
اتدلدلت بوسطي من الشباك ..
( خذي بالك م الولد .. راعي عزيزه وعيد )
والقطر صرخ ورمح لكإنه داس على بصة نار ..
ولقطت الحس قريب .. قد ما كنتي بعيد :
(قلبي معاك يا حراجي هناك في أسوان ..)
...........................
ورميت نفسي وسط الجدعان .. وبكيت ..
وبلدنا اللي كنا بنمشيها ف نص نهار
كان القطر في لحضه .. فاتها بمشوار .
سامحيني يا فطنه على التأخير ..
ولو الورقه يا بت الخال تكفي
لأعبي لك بحر النيل والله بكفيِ
وختاماً ليس ختام ..
بابعت لك ِ
ليكي ولناس الجبلايه ولبتي عزيزه والواد عيد
ألف سلام

الجوهره المصونه
والدره المكنونه
زوجتنا فاطنه أحمد عبد الغفار
يوصل ويسلم ليها
في منزلنا الكاين في جبلاية الفار

أما بعد ..

فهذا تاني خطاب ..
باعتين طيه ما قدرنا المولى عليه ..
وعنبعتلك في ظرف الجمعه .. طرد
الطرحه والجزمه بتوعك ..
وكساوي عزيزه وعيد .
دورت الحسبه ف راسي وقلت يا واد يا حراجي ..
هو يعني قانون العيل ما يدوقشي الكسوه ..
غير في العيد ؟
أمال كيف العيل حيحس أبوه جنبه
إذا كان الأب .. بعيد .. ؟
بقى أول ما دلقنا يا فاطنه بابور السد على محطة إسوان
أنا والجدعان
حسيت بالدوخه
مش أول مره باسيب جبلاية الفار .. ؟
رحنا المكتب
طبعنا البطاقات ..
ومضينا على الورقات
أه يا (( فطاني )) لو شوفتي الرجاله هْنِهْ
قولي .. ميات .. أولوفات ..
بحر من ولاد الناس ..
إللي من (( درجا )) واللي م (( البتانون ))
واللي من (( أصفون)) و (( التل))
جدعان .. زي عيدان الزان .. سايبن الأهل .
وتطلي في عين الواحد يا ولداه ع الغربه ..
عارفه يا مرتي الراجل في الغربه يشبه إيه .. ؟
عود دره وحداني .. في غيط كمون ..
حسيت بالخوف ناشع في عروقي زي البرد .
قضينا الليله الأولانيه في أي مكان .
العين مشقوقه..
والبال ..
زي الغله اللي بتسرسب من يد الكيال
وندهت عليكي قلت : انا بنده
سامعاني ؟
سامعيني يا عيال ؟
النبي لولا الخوف واللومه من الرجاله ..
لاركبت القطر وعدت
قبل ما أروح لموظف
قبل ما أرد سؤال.
وقعدت أعقل نفسي وأقول : يا حراجي يا بوي
أمال جيت ليه ؟
الخايف من الغربهة ما يجيش
اتحمل علشان كسوة عيد .. ورغيف العيش
لكإنك ياخي رحت (( الديش ))
من خوفي يا مرتي
قعدت أهدي الرجاله .
فاطنه ..
أول ما تفكي الخمسه جنيه
اطلعي ع الفور ..
وإدي حساب (( عمران )) وجنيه (( بمبة الصباغ ))
والباقي زيحوا بيه القارب
لما يعدلها الرحمن
سلمى ع الوِلد .. وع (( الحاج التايب ))
بلا كتر كلام ..
سلمي على كل اللي لينا فيهم نايب ..
وإوعي يا فطنه لما ارجع وأبص ف وش اللولاد ..
أعرف إن أبوهم كان غايب .
وإحنا هنا بنستنى الجوابات بفروغ صبر
طول ما الجوابات رايحه وجايه .
اعتبري كإني باجي أشوفك..
واجى .

زوجك لاوسطى حراجي
الاخوة الكرام انها وقفة بين جوابات الاسطي حراجي القط العامل في السد العامل وبين للشاعر عبد الرحمن الابنودي وبين رسائل الزين ود حامد لي ست الدار للمبدع حميد وهي قراءة للمقارنة والنقد وراجع
أسوان
زوجي الغالي
لاوسطى حراجي القط
العامل في السد العالي

جبلاية الفار

الرسالة 2
زوجي حراجي ..
فوصلنا خطابك ..
شمينا فيه ريحة الأحباب .. ربنا ما يوري حد غياب ..
مش أول مره البسطاوي يخطي عتبة الدار ؟؟
عمرنا يا حراجي .. ما جلنا جواب .
النبي ساعة مرزوق البسطاوي .. ما نده ..
كده زي ما كون .. دقت في حشايا النار .
وكإن العمر بيصدق .. بعد ما كان كداب ..
اتأخرت مسافه كبيرة كبيرة علي
عارف فاطنه يا حراجي لاليها عايل .. ولا خي .
ليه تتأخر كده يا حراجي .. ؟
طب والنبي كأن ورقتك دي
أول قنديل بتهز ف جوف الدار .
أول ندعة ضو.
الدار من غيرك يا أيو عزيزه .. هو .
وعزيزه وعيد ..
من غيرك يا حراجي زي اليُتما في العيد .
الواد على صغره حاسس بالغربه والبعد .
ولا عاد حتى بيطلع يلعب في القمَارى مع الولِد .
اطلع وأخش .. أطلع وأخش القاه .. غيمان
وكأنه محروق له دكان .
ويقوللي : (( فين يامه أسوان .. ؟
وأبا سابنا ليه يا مه ؟ ما يمكن زعلان .. ؟ ))
شهرين يا بخيل ؟
ستين شمس وستين ليل ؟
النبي يا حراجيما أطول قلبك
لاقطع بسناني الحته القاسيه فيه
..........................
كل الجبلايه تسلم فرداً فرد ..
م الحاج ((( طِلب حامد )) لعيلة بيت (( علي سعيد ))
وانشالله يا حراجي ما يوريني فيك يوم
وانشالله تكون تعلمت ترد قوام .
ومادام احنا راسيين ع العنوان
والله ما حنبطل بعتان..
مفهوم..أسوان
زوجي الغالي
لاوسطى حراجي القط ..
العامل في السد العالي 

جواب أول

باسم الحاضر والمستقبل
ست الدار بت أحمد قالت :
ليك يا الزين ود حامد شوقنا
أما بعد ،
المبعوتة المنك .. وصلت
ورُح فكيت الطلب الفوقنا
باقي الدين يا الزين خلصتو
قدر الفاضل .. مصروف راشد والتومات
والجايات من جاي .. لا جاي
زي ما قت لك قبال ده
شهر إتنين حا نطهر راشد
شهر إتنين المدرسة تأجز
الله يبعد العارضي تجينا
وراشد حالف ما يطهر
إلا أبوهو وعمتو تحضر
وإلا يجيبو الغنايين
شان الشوق بت سرنا ترقص
قلنا نجيب المداحين
طنطن .. أنا جاي من الحج
وعارف راشد لما يطنطن
كل الدنيا الفيي تطنطن
غايتو بشر .. بس ربو يهون
ما كلمتك بالتومات
أول البارح جني يرطنن
قالن نحنا الخواجات
بسم الله .. مرق حصلت
لقيت لك جعفر زارد البيت بالخواجات
يبقى حداشر وخواجية
ناس البلد الكسرو عليهن
صدو يقلبو في إيديهن
عدمانين من إسم حكيم
ولا خبيراً للمشروع
علماء آثار .. فضلت في آثار
ما خموها الجونا قبلكن .. شن خلولنا بلا حجار
الله يصرف الخواجات
بينات جعفر والمحجوب .. والمحجوب والخواجات
طقت حجي .. العمدة طفاها
باقي الناس الجات للفرجي ..
قنبو قيلو شبعو لحوم .. والخواجة يصور ساكت
ستة خرفن وتيس ما كفن
ستة خرفن في فد يوم
المعدوم أشكال وألوان
أي خدار في اليوم داك في
كملن رف كمين دكان
أول كفو الخواجات
بعدو العمدة وصمد الساقية
ناس المجلس والمشروع
بعدو الطلبة وباقي الناس
حتى الشفع والحروم
ستة خرفن وتيس إنصفن
ستة خرفن في فد يوم
جات من صالح بت كلتوم
تسكت تخبز طول اليوم
لمن حرقت الدولاب
قنبت المسكينة تدعي
الله يصرف الخواجات
غاية الليلة السقا يشولق
واطات الله دي ست رشاها
ما في غنوتاً ما غناها
ما في مدحتاً ما سواها
حمارو صبح لحق أمات طه
سب الدين والأمريكان
جنس بدع
زولك ده يحير
عند الجد كان أده ينقنق
عند الفارغة يشيل ويبعزق
إذكرت كلامك ليا ..
إنو في ناس لاعبين بالدين
وناس لاعبابا الأمريكان
الله يصرف الأمريكان
الله يصرف الصرفيكان
ما خلوني نشدتك منك
كيفن حالك والخرتوم
كيف المصنع والعمال
حالم لسع نفس الحال ؟
وما رقوك سووك باشكاتب ؟
يورينا الله زيادة الراتب
كيف الناس والحالة عموم ؟
والعزابة الكحيانين
سيد البيت عل ما زكاكم
لسع تقعو تقومو براكم ؟
قلبي معاكم
ربي يخدر عود ضرعاتكم
بالي معاك يا الزين ود حامد
بالي هناك والشوق الشوق
خلى شدير الجوف محروق
راجي مطيرة الزين ود حامد
نحنا نصاحاً زي واطاتنا
نحنا نصاح إلا القراص والتجار والحاصل البحصل كل صباح
شتلاتك قبضن
الحملان كبرن بلحيل
العضمين الروكة إنزرعن
اوعك تشفق من تالانا
ولا نبقالك مشغولية
زيك واحد مستورين وما ناسين المسئولية
هي يا الزين زغرد
بت ام زين جابت لها بت
ستة أولاد حتان البت
المحجوب ينشد من خبرك
شافعو محسب من يومين
التومات طيبات ونصاح
إلا غباش بلحيل آ الزين
راشد كرر .. شهر اتنين كان ما جيت أنا ما بطهر
الله يبعد العارضي تعال
كان فد دور يدوك يا تعال
كان بالخصم إن شاء الله تعال
وما تتوصى .. وداعة الله
أوعى البشغل والعربات والحيكومة السمها فاير

أم أولادك ست الدار بت أحمد جابر

ست الدار بت أحمد كيفك
جاني جوابك مفتوح شارع
جاني جوابك وانا بتذكر في ناس راشد والتومات
في الشتلات والحالة عموم
ناس حلتنا التحت .. الفوق
الليهم الله وعيشة السوق
جاني جوابك وانا بتصور
في المشروع وعمايل جعفر
ولما بكيت .. يا ست الدار
أيوة بكيت .. يا ست الدار
لما قريت علماء آثار
علماء إيه يا بت الناس
سواح إيه .. ما عندك راس
ست الدار تتوهدبي ليه
ديلا جماعة السي آي إيه
تعرفي إيه السي آي إيه ؟؟
امريكان في كل مكان
ديل مالين الدنيا ملي
ديل قالين الخلق قلي
باسم الدين والأمريكان أي عوج مبدي ومختوم
صوتنا هناك وهنا مكتوم
ومافي فرق في الوقت الراهن بين واشنطن والخرطوم
أنا مأزوم .. مأزوم .. مأزوم
يا خرطوم وينك وينك
يا خرطوم شن شبّ وقلبك وسلبك
حلبك ؟ زنجك ؟ بجتك ؟ نوبتك ؟ عربك ؟
أنا مأزوم .. مأزوم .. مأزوم
يا خرطوم أزمني الصلبك فوق الطلحة الأمريكية
يا خرطوم .. أوه خرطوم .. أوه واشنطوم
طن .. لفتك فجراً يقطع رحطك
ست الدار سامعاني يا اخيتي ومرتي وامي وأم الكل
أنا بندهلك من شارع الله .. فوقي هجير والتحتي بقل
سبي معايا الشردو راجلك .. والحرمونا شوية الضل
سبي الحالة العالة علينا .. حتى احكيلك بالتفصيل
حاصل الحاصل يا بت أحمد
جاني وفد في المصنع زاير .. وكان الوفد ده أمريكاني
لفّ وفات اليوم التاني
جانا مدير المصنع فاير
وشو حمار العمدة العاير
نف المصنع فيهو خساير
وقالوا يخفضوا مئتين عامل
مئتي عامل في فد مرة
مائتين عامل .. مائتين عامل
يبقوا هوامل .. يبقوا هوامل ؟؟
ما يهموش .. الهم المصنع
تفّ قراروا وفات في حالو
مسئولين ونقابيين مافي العارض واللا اترجى
العمال من سمعوا احتجوا ... سيرو موكب صامد وصامت
إتضامنا معاهم سرنا ..
أب عرام دور عربيتو .. العربية الامريكية
زنقح خلا الموكب ثابت
احتجينا مع الإحتجو
إتكلمنا كلام موضوعي
قلنا المصنع حق الدولة .. والعمال أصحاب الحق
هي اللي تقرر والتتولى
هي البتحدد سير المصنع
إيد العامل هي العاد تنتج
ما المكنات الأمريكية
زيت العامل ياهو البطلع .. مو المكنات الأمريكية
ودرن الأيدي العمالية
أنضف من لسنات الفجرة
ودين الدقن الشيطانية
ومن كرفتة البنك الدولي .. وكل وجوه الراسمالية
وأشرف من ..............
داك الحين المصنع هاج
جات عربات اللات بوليس .. فضوا العالم بالكرباج
والبمبان الأمريكاني
شرقت شمس اليوم التاني
كنا حداشر ونوباوية
متهمنا بالتخريب والتحريض والشيوعية
البوليس صاقع شيوعية
وفاكر نفسو بنبذ فينا
هي آ بوليس أمك مسكينة
البوليس عمدني شيوعي
التحقيق طلعني مدان
التحقيق طبعاً تحقيقهم أو تحقيق الأمريكان
اسبوعين عشناهم جوه
اسبوعين زادننا قوة
ست الدار ما تشفقي خالص
ست الدار أنا ياني الزين
ست الدار سامعاني كويس ؟
كل الهم ما يغشى الغم بيتنا وراشد والتومات
وكل الناس الحالهم شاهد
ست الدار الشوق الواحد
لي حلتنا وليكم ليكم
وللإشراق في عينيكم
وكل الناس الزولهم صامد
شوق وسلام .
الزين ود حامد
ردي سريع .. باليد .. باليد
في دورين موعود بي شغلة
لمت لمت .. كان ما لمت أنا جاييكم وما ندمان

( بعد الحاصل والإتحصل ست الدار بت أحمد تكتب ) :
زيني الزين .. أب حالاً زين
جاني جوابك .. يا المبروك
وسابني أشوف الدنيا كويس
وأعرف غلط الصاح مظبوط
سابني أميز .. وأقدر أفرز .. أرجع أميز
فرحانابك يا أحزان
فرح النار بي لوح الزان
مبسوطابك يا المبسوط
ما هزاني مصيرك
قدر ما هزوني الميتين عامل
ميتين عامل في فد مرة
ميتين اسرة تروح وين
في الأيام النجسة المرة
ميتين عامل؟؟
والله مهازل
والله عمايل
يا أوغاد .. وينا نقابة السجم الشوم
وين عمال السكة رماد
وين الطلبة ووين الوين
بعتو شفيعكم يا عمال
بعتو وجيعكم للراسمال
وشن راجين يا تعسا الحال
هاكم دي ..
والله مهازل
ميتين عامل ؟
والله عمايل
عامل ساكن في آخر الدنيا
وصل المصنع بآخر بنية
ينتج كيف؟ شغال بي فونيا؟
عامل ينتج عشرين حتة
تلحقو منها قيمة إتنين
ستة بغطوا المنصرفات
سبعة.. تمانية .. تسعة بغطوا
أدها تسعة المنصرفات
كل الفايض .. بدخل وين؟
قولوا البفضل بمشي لي مين؟
وبرضو خساير؟
والله مهازل
يا مضغوط .. خفض ميزك حبة تين
تنك القعدة تلاتة خطوط
خفف مرتك توب مضغوط
من التمسحبو كبابي الصين
خفض عمرك يا ابن الفانية
وبي نظارتك واجه ثانية
ثانية عيون الشغالين
ثانية وبس
والله مهازل
ميتين عامل ؟
ميتين بيت ؟
ميتين اسرة بلا راس خيط؟
ميتين اسرة ملوها جراح
ميتين اسرة حا تولد صاح
وليكم يوم يا أولاد الهرمة
ليه يا الزين بتوصي عليّ
وانا بت احمد ست الدار
ام اولادك وهم صغار .. ام اولادك وهم كبار
وياك الزين ود حامد داك
كان متوظف .. ياكا الزين
كان متوقف .. ياكا الزين
ليش يا الدخري توصي عليا
اسبوعين قضيتن جوه
يبقى غصب .. زادنك قوة
ليش يا الزين بتوصي عليا
ليش يا الدخري توصي عليا
وعارف ام راشد والتومات .. مرتاً دغري وغلباوية
آه يا الزين .. لو كنت معاكم .. كنت بقيت النوباوية
ما تهتم يا الزين بالحاصل
واصل سعيك .. واصل واصل
واصل سيرك
كان ما كنت الزين ود حامد كان حا يكونك واحد غيرك
في فضاء فالك يا إنسان
نسمة تقولك في الإمكان
أبدع واحسن من ما كان
ياتو مطرتاً سوت شو .. فرقو غيما الأمريكان
ياتو رصاص ما عقبو خلاص
ياتو سجن يا الزين ود حامد
ياتو محن تمحى الإحساس
لما يكون في الساس والرأس
ياتو وطن يا الزين ود حامد
ياتو زمن دام للأنجاس
طه ترابلتو راحو الديش
غزّا بكانا اتنين رطانة
صاقع كلو من اسماعين
هو الفسر لهن الشغلانة
ويا اسماعين
ما كان الديش شقّ مسيمعك بالجبخانة
لو المجلس قبل اوراقك .. أو في الثانوي لقيت لك خانة
لكن قدرك يا إنسان .. بلداً هاص هيصة جبانة
طالو الناس التريانين .. ضلو الله الما ضلانا
أخّدو نورة الحاج بالدق
باكر دور ما خشّ عليها
خاتي اللوم قطع التمرات الفوق راس بيتو
الخلفاء شكوهو وما لقو حق
المحجوب إتلقى اخبارك وقال جاييك في أول بص
البرسيم طهرنا البارح
نعجة راشد صبحت والدة
الحيضان سقناهن لوبي
التومات طيبات ونصاح
راشد طيب
وانا طيبين
كل الناس يا الزين طيبين
ينشدو منك في الأفراح
وفي الأتراح .. الزين الزين
ما تشغل بالك
بس يا الزين كان درت مشورتي
اصلو كتالك ياهو كتالك
تجي مندلي
الواطة تراها
وبي جاي جاي .. بندبر حالك
ما الحيكومة الضاقت دمك
عينا محل قبلت قبالك
شورتك عندك
عندك شورتك
والببقالك .. الببقالك
التمرات بعناها آ الزين
خفنا السوس ونزالة السوق
مبعوتالك عشرة جنيه
والأشواق من هنا لا عندك
ست الدار أحمد جابر
تلغرافات :
تلغرفين في وقت واحد :
نوري . السوق .. ست الدار بت أحمد جابر
المحجوب في قطر اليوم
عفش الزين
النوباوية
الخرطوم .. الخرطوم بحري .. كشك الشعلة .. الزين ود حامد
راشد راقد والواطة جعفر طالق فيها بهايمو
ست الدار بت احمد جابر
نوري السوق المحجوب ود أحمد جابر
كتب الزين .. كل الاوراق .. راشد كيف
النوباوية
الخرطوم .. الخرطوم بحري .. كشك الشعلة
النوباوية
أنا في السكة وست الدار
راشد ود الزين ود حامد
وهذا ما قاله الزين ود حامد لزوجته ست الدار والذي ينظر عميقا في النموزج الاول للشاعر الصعيدي الجنوب مصري والناظر الي قصيدة شاعرنا الشمالي السوداني يري وبوضوح كمية التشابه في اللغة والموضوع والسمة النضالية الثورية لكلا الشاعرين انها دعوة للسباحة في هذا العالم المتوحد والبحث عن التعبير العميق عن حال العمال العرب في الوطن العربي عموما وعن التوحد الفكري والوجداني بين الابنودي وحميد فايهما استفاد من الاخر وايهما استطاع مناداة الهم فينا انها دعوة للنقد والقراءة والبحث والي هناك

اري التشابه كبيرا جدا ما بين الزين ود حامد الذي سافر للعمل في احد مصانع الخرطوم والاسطي حراجي القط الذي اتجه للعمل بالسد العالي كما اري التشابه وشيكا كذلك بين السويطاب والحواجمير في نوري الجريف وبين جبلاية الفار من هنا خرج الاسطي حجازي ومن هناك خرج الزين ود حامد.
الاثنين تركو خلفهم ام العيال التي تحافظ علي ابناءها وغربة زوجها ... هناك فاطمة احمد عبد الغفار في جبلاية الفار في صعيد مصر وهنا في نوري ست الدار .
يمكن ان يكون راشد عيد عزيزة هم نموزج لابناء الكادحين الذين يحسون المسؤلية منذ الصغر .
الفرق الوحيد في بداية هذه الرسائل بين الاسطي حراجي وفاطمة احمد عبد الغفار في جبلاية الفار وبين الزين ود حامد وست الدار من نوري هو ان البادي بالرسائل عندنا هي ست الدار المرأة الحنينة التي بادرت في المراسلة بينما في جبلاية الفار بادر هو برسالته لانه لا يري حرجا في ان يقول لزوجته مشتاقيييييين مع تحسسس الرجل عندنا احيانا في قول ذلك وان قتله الشوق

أسوان
زوجي الغالي
لاوسطى حرجاي القط
العامل في السد العالي


جبلاية الفار
الرسالة 4

وصلنا الطرد وجانا المبلغ يا حراجي ..
أحياك الرب وأبقاك ألفين عام ..
ولا عاد يقطعلك عاده ولا حس..
ولا يقفل لك كف ..
ولا يطوي من قدامك سجادة الخير والسعاده ..
اما بعد ..
فإحنا وزعنا المبلغ زي ما قلت..
ولعلك ما تشغلش بالك فينا وتبقى في راحة بال ..
إحنا يا حراجي – بعيد الشر- إن ضاقت بينا الحال يكفينا ريال
كفايه علينا البسطاوي الظهر يخطي عتبة الدار
غمبارح .. جانا (( الشيخ قرشي )) .. وخبط ع الباب ..
جه ساعة المغرب
قاللي لا بدن ما نبص لعيد ..
قاللي : (( يا بت المرحوم .. الواد لازمه الكتاب .. يو السوق ..
إتدلي هاتي له قلمين بوص .. ودواية .. ولوح )) ..
وضحك .. بعدين قاللي : (( لاحسن يطلع لوح ))
وأنا بيني وبينك يا حراجي عاوزاه يكبر
ويعوضنا عن الأهل ويعمل لنا قيمه ..
عاوزاه تكون قيمته ف جبلاية الفار قيمة القيمه ..
اللي بتقوله عن أسوان يا بوعيد ..
حكايه ولا حكايات أبو زيد ..
هيا يعني .. مش زي بلدنا .. ؟
أمال ناسها بيسووا إيه .. ؟
ما بيشتغلوش ليه ؟
وإنت .. طول عمرك راجل صاحب فاس
فهمهاني دي
لاحسن عامله في راسي زي الخبطه ..
كيف صاحب الفاس يصبح أوسطى .. ؟
صاحبك (( تكروني )) لما أتى بالطرد ..
شيعنا معاه الموجود ..
...............................................
في الليل يا حراجي تهف عليا ما عرف كيف ..
هففان القهوه .. على صاحب الكيف ..
وبامد إيديا في الظلمه ألقاك جنبي ..
طب والنبي صُح ومش باكدب يا حراجي .
وباحس معاك إن الدنيا لذيذه .
كيف حال (( عبد العال التابه )) و (( على اب عباس ))؟ ..
وقوللي يا حراجي ..
بتاكل كيف . ؟ وبتلبس إيه ؟ وبتقلع إيه ؟
بتنام فين ؟
قاعد في المطرح مع مين ؟
مين اللي بيغسلك توبك
وبتتسبح فين .. ؟
...............................................
في نهاية القول ..
أنا رح أشيع عيد ع الكتاب ..
فا إبعت له ووصيه على شد الحيل ..
وجميع الناس في الجبلايه
عايزين لك كل سعاده وخير ..
وبيتمنولك تاني ترجع في السلامه ..
تعمر مصطبتك ..
وتقيد اللنضه في الدار ..



زوجتك
فاطنه أحمد عبد الغفار
جبلاية الفار
لنتأمل هذا الجزء من خطاب بت جبلاية الفأر الي الاسطي حجازي اما يشبه تماما رسالة ست الدار لقصيدة حميد الي الزين ود حامد في كلامهما عن المصروف والديون والاطفال

مشاهد من الزمن الجميل ...العديد

---

مدخل :
قل للعديد مرددا ومؤكدا
فيك النعيم وكل شئ يرتضي
انت الجنان اذا الجنان تفاخرت
انت البيان اذا البيان تجمدا .............. ( الاستاذ الدكتور عبد الله حمدنا الله)
هي قرية من القري التي يحاصرها النسيان
المكان :
الجزيرة ...محلية الكاملين ... المسيد
محاطة بسياج وحضن من الددفء وقري حالمة امنة مطمئنة ...التكينة ..ام مغد ..ود لميد الشقائق ..السريحة كاتب ..وتحاصرها المياه من كل صوب
جهات اربعة من الترع والجداول والمزارع ..
الزمان : وفاة بت البدري زوجة ابراهيم كبير زمان للبكاء الذي لا يشبه بكاءا كتبناه سابقا
لم يؤجر احد للعويل .. ولم يدعي احد لمأتم كعادتهم دوما فجميعهم اهل وجعة وحرقة وواجب..
المشهد :
الفاتحة ..... الفاتحة ..............الفااااااااااااااااتحة تعزي كل الحضور في ديوان ود البشير لانهم جميعا اهل وجعة وانا شقيق زوجها الذي ارفع الفاتحة لأهل تلك القرية فجميعهم اهل وجعة اكثر مني
يا ولد ..........جيب الموية هنا .........تعال ياولد جيب الشاي ......وهو يأمر الجميع هنا في هذا الديوان بحكم الحب والسن ويسأل جاره ( ده ود منو)
عبدو الفكي ابو علامة ....وليد .....عاطف ..... عطا .. جميعهم حفاة لا ينتعلون الا كرما يدفعهم للهرولة في مقابلة الضيوف ولا زمن للانتعال هناك .....وهم شباب من القرية .......
بعد قليل ........كل القرية تتجمع موعد العداء هنا في هذا الديوان كل يحمل صينية للطعام فهو عرضهم ولا دخل لنا به نحن اهل المتوفية فالعرض كما يقولون عرض للقرية وليس لنا نحن وعيب كبير ان لايكرمون وافدا لهذه القرية في فجيعة او فرح ......اذن كل القرية حضور وكل زادهم حاضر وبما استطاعوأ ......ابو علامة عبدو الامين واخرون حفاة يجمعون كل تلك الصواني في بيت واحد ( بيت الاكل ..) كما يسمونه وهناك يقومون بتفريغ كل الصواني واعادة ترتيبها وتقسيمها لما ينفع للضيوف وما ينفع لاهل القرية ........
اللله ما اجملكم رغم حزن يسد منافذ الكلام والقلم
ما اروعكم
ما اروع هولاء ...........
  اذن ما زال لدينا تلك القيم بشراك فالجزيرة لم يجتاحها بعد ذلك الطاعون
ما زالو بخير
شكرا لك عديد البشاقرة
واعذري عقم قلمي الان ولكني حتما ساعود اليك لوصف اجمل واطول يشبهك او يماثل التشبه بك
عذرا حبيبتي ما زال بالعين بقايا دمع

بيت (البكا ) في السودان واجب عزاء ام تكريس ( بوبار)

  احبتي نفتح لكم اليوم هذه النافذة للحوار حول: ظاهرة بيوت البكاء او بيوت العزاء في السودان فقد تحول هذا السلوك التكافلي الاجتماعي للمواساة والترحم علي المتوفي تحول الي ظاهرة سالبة اخر اهتماماتها هو مواساة اهل الفجيعة والترحم للميت ال(فقد روحو) .. هل تأملتم يوما ما نقوم به في هذه البيوت وراجعنا ذلك انظرو : اولا قبل اعلان الموت بالبكاء والاندفاع في الدعاء للميت ( يتطاقش ) نساء البيت يمين وشمال ( للمضايرة ) اولا وهن( ينقنقن ) اقيفو ما تبكو يعني الناس يجو يلقونا مبشتنين ) بعد المضايرة يبدأ اعلان الموت كانما يعلنون فرحا آتي .. وتعالو شوفو الاتيات للتعزية والمواساة :: بعد( التتمر والمسوح ) لزوم ما تظهر غبشاء تتعب الملابس والثياب فلابد ان تختار اجملها لأن كل القادمات للعزاء مراصد( بشتنة ) ومظاهر .. وشوفو البكاء البلا دموع وقد يهمسن اثناء هذا البكاء : (بالله شوفي دهب فلانة ديك قدر شنو وشوفي التوب دااك واااااي منو) وتواصل بكاها هييييييييييييييي الليلة يا حليلك يا الهدييييي . اما بيت الرجال فالحال لا يختلف كثيرا بعد رفع الفاتحة علي الميت وهويتلفت يمنة ويسرة لمعرفة من يستحق ذلك واجزم ان 60 من يرفعون ايديهم لايقراءون شئا وهي عملية استكشافية واستعراضية لتعلن الحضور

مشهد آخر :
الرجال في القابر لستر المرحوم
وكانهم في حدائق او كورنيش يناقشون اي شي اي شئ عدا الموت وعبره
انت المرحوم ده عيان ؟؟ ولا مالو؟
دقيقة دقيقة اتصال علي المحمول ::
ويمكن ان تكون النغمة التي يسمعها الجميع في المقابر
هي ست الودع ارمي الودع ولا احد اغاني السيرة ولا الاولاد ناس قنبلة
وكلو ماش المهم نغمة ولا نانسي عجرم ...
ولا يكلف احد نفسه لاغلاق الهاتف حتي انتهاء الدفن
او ان يجعله صامتا

سلام علي أم القمر

---

سلام عليك بت مصطفي ود قرشي
حاحاية الشقايا
الملاها الهم قطائع
سلام عليك وانت تغادرين هذه الفانية وتختارين الخلود هناك علك ترتاحين من هذا التعب الذي كان يسكنك
لم نراك الا مبتسمة ضاحكة رغم كل ما تعانيه من الم ومتاعب
ويوم ان غادر زوجك الي الدار الاخرة تجردتي من كل نواعم الدنيا ورفضتي الا ان تتولين انت مسؤلية تربية هولاء الزغب الصغار تحزمتي يوم تراجع الرجال عن عظم المسولية واخترتي اصعب الطرق لأمراة وهي فلاحة الأرض حتي لا نمد ايدينا الي احد ولا تمدين رغم كبر قبيلتك وقبيلة زوجك التي لا تتأخر في مثل هكذا واجب
فلحتي الارض صباحا باكرا وذهبتي بقدميك الطاهرتين الي مزارع القطن تحصدينه معفرة قدميك حتي ننعم نحن اطفالك حينها بعيش رغيد او كريم.
وكنتي دوما تبتسمين في وجوهنا حتي لانري اثار تعب عليك او حزن واستطعتي ان تنسينا ونحن اطفالا فقد الوالد العزيز وكنتي بقيمة كل الرجال وانت توجهيننا دوما للخير وللمرؤة وللكرم
يا اولادي امشو علي ناس فلان عندهم واجب
ما تبقو مقطوعين
يا ود شيل صينيتك امشي
عليك السلام
والرحمة تتنزل عليك بقدر ما اعطيتي وما سامحتي وما ربيتي
وابدلك الله دارا خير ونعيما لاينقطع
سلام عليك امي

الأنقاذ الحية التي تغير جلدها كل عام كفانا تضليلا وتجهيلا

---

*1*
الاخوة الاعزاء
هكذا ياتي العنوان منطبقا تماما مع ما تقوم به هذه الحكومة كل عام من تغيير لجلدتها لتلبس جلد اخر والراس هو نفس الرأس والسم هو نفسه السم والبرنامج يتغير احيانا حسب اتجاه ريح المصلحة.
جاءت الانقاذ في 30 يونيو واول ما بدات به نظامها هو الكذب علي كل الشعب السوداني حين اعلنت انها جاءت لتنقذ البلاد من براثن القبيلة والقبلية والحزبية الضيقة والطائفية وانها لاتنتمي الي اي تنظيم سياسي ولتأكيد ذلك قام عرابها ومهندسها بذر الرماد علي العيون في محاولة لطمس كل مدلول علي هويتهم حينما ذهب حسن الترابي للقصر ( حبيسا) بأرادته وحسب ما صور له عقله التآمري وذهب ذلك العقيد حينها عمر البشير للقصر رئسا مزهوا بهذا التكريم الذي لم يكن يدرك اكثر الناس تشاؤما من آل النظام انه سيدوم اكثر من عام او عامين يرجع فيها الحبيس رئسا للقصر.
ومن هنا كانت تلك هي الجلدة الرابعة او الخامسة لهم حينما سبقتها جلدة الجبهة القومية الاسلامية التي لبسوها ليخطبوا بها ود نظام نميري عندما لاحقهم بجلدتهم الاولي ( الاخوان المسلمين).
وعندما قوي عود الانقاذ بعد التشريد والقتل وبيوت الشباح واضعفت كل المعارضة بتحالفات مشبوهة وقصيرة النظر والأمد ولم تجد ما تاكله بدات في تغيير جلدتها لتأكل بنيها وقادتها في المفاصلة الشهيرة بين شيخ الطريقة وشيخهم الذي علمهم السحر فانقلب السحر عليه عندما اراد ان يستلم مقاليد الامور كلها بيده بدأت قطة الثورة هذه تأكل في ابنائها وتغير جلد الحية الي مؤتمر وطني ومؤتمر شعبي.
هذا علي الصعيد الشكلي للاسم .
اما علي الصعيد الفكري والمبدئي فان الانقاذ تلبس لكل حال لباس وتفصل عقيدتها بقدر ما تسمح لها هذه العقيدة في البقاء اكبر وقت ممكن علي مقاليد السلطة والحكم ولايهم من بعد ذلك المبدا او العقيدة وسآتي بتفصيل ذلك في حلقات مسلسلة من فترة مصالحتهم لنميري الي هذه الفترة الحالية

*2*
الجبهة القومية الاسلامية الجلد الاقدم للحية :-
___________________________
كما وعدتكم من قبل نأتي هنا لهذا المسمي الذي يعرفه الجميع لهذه الحية التي تحاول تضليل كل الشعب بتغيير جلدها كل عام.
وبدءا وقبل الخوض في تفاصيل هذه المرحلة احب ان اؤكد وللتأريخ ان حزب المؤتمر الوطني _ الجبهة القومية سابقا والاخوان المسلمين اسبق والميثاق اسبق الاسبق انها الحزب السوداني الوحيد الذي يغير اسمه كل مرحلة حسب مقتضيات المرحلة والمصلحة ويصاحب ذلك تغييرا حتي في مستوي الفكر والمنهج السياسيي حيث تتبع المبدأ الميكافيليي ( الغاية تبرر الوسيلة ) منهجا للوصول لمصالحها الضيقة وتتبني منهجا براغماتيا في علاقتها مع القوي السياسية الاخري.
حينما نجد بقية الاحزاب السياسية ومنذ تأسيسها تحترم اسمها وتاريخها ولا تغير هذا الاسم الذي عرفت به لأن ذلك يعتبر احتراما للتأريخ وللاسم الذي يعتبر معبر حقيقي عن الشخصية الاعتبارية لهذا الحزب ( فنجد الشيوعي ..الامة .. الاتحادي ... البعث .. الناصري ..وحتي احزاب الجنوب ) بنفس هذا المسمي منذ تأسيسها وحتي الآن وهذا ما يؤكد صحة ما ذهبنا اليه في تحليل هذا الحزب الذي يلبس لكل حال لبس واسم.
في فترة حكم مايو ( جعفر نميري) كان للاخوان صوت واضح وكبير جدا في المعارضة حيث قابلهم نميري في بداية عهده بمزيد من البطش والضرب بحكم لونه الأحمر الذي كان يلون هذا الانقلاب منذ ايامه الأولي وفي هذا سعي الاخوان المسلمين حينها وبنفس قيادتهم تلك ( حسن الترابي ) الي تقليل قبضة هذا النظام عليهم ومحاولة استمالته الي جانبهم بعد ان فشلوا في اسقاطه عبر محاولتهم التي تحالفوا فيها مع الصادق المهدي لياتوا وعلي رؤؤس جماجم شهداءهم ليقيما مصالحة مع نظام نميري الذي وصفوه قبل التصالح بابشع الصفات والتهم معتدمين في ذلك علي قدرتهم علي تحريك الجانب الروحي والديني للجماهير ضد اي نظام عندما يرفعون اسم الاسلام والاسلام منهم ومن عمائلهم وسياستهم براء؟؟
فأي اسلام هذا الذي يتعايش مع الظلم ومع الفساد والكذب وهم يصفون نميري وحكومته بانها ضد الاسلام والمسلمين؟؟
تهافتوا علي نميري وتقربوا له وتذللوا حتي تصالح كبيرهم وزعيمهم الترابي معه في وقت كانت المعارضة السودانية كلها تلتف مع بعض لاسقاط نظام نميري
وبذلك وبعد هذه المصالحة اصبح نميري وبمبايعة حسن الترابي له علي الملاء اصبح (اميرا للمومنين) بعد ان كان اميرا ( حسب وجهة نظره للمنافقين والكفر) فسبحان مغبلير الاحوال من حال الي حال عندما يتعلق الأمر بكرسي السلطة؟؟ فاين الاسلام الذي تدعون من كل هذا ؟؟
بعد هذه المصالحة والمبايعة المشهورة سن الترابي وهو المستشار القانوني لنميري حينها قوانين سبتمبر الشهيرة التي سميت ضلالا باسم الشريعة الاسلامية لكسب ود وتعاطف الجماهير.
وفي تلك الفترة والترابي مستشارا قانونيا استنت قوانين سبتمبر ومحاكمة الفكر وتكفير الناس بغير وجه حق حتي محاكمة محمود محمد طه واعدامه بهذه القوانين التي يتبراون منها اليوم.
وفي تلك الفترة ايضا وبعلم شيخ هذه الملة تدفن النفايا النووية في السودان ويرحل اليهود الفلاشا ولا يفتح الله علي هولاء المنصبين انفسهم ائمة للمسلمين بكلمة حق ضد هذا الدعم المباشر للكيان الصهيوني واليهود لضرب المقاومة الفلسطينية في مقتل وضرب الاسلام في مقتل وهم يهتفون كلما امتلات بطونهم سحتا ان هي لله هي لله
او ان ( خيبر خيبر يا يهود جيش محمد سوف يعود )
كيف يعود جيش محمد وانتم تدعمون وتتحالفون مع نظام يدعم اليهود بالقاعدة البشرية التي يقابل ويحارب بهاالعرب والمسلمين؟؟؟
وهكذا تستمر مسيرة تغييررالجلد ليتحولو في فترة نميري من اخوان مسلمين الي جبهة قومية اسلامية.
وعندما طردهم نميري وفي اخر ايامه تحولوا مباشرة من معسكر التحالف والتصالح مع النظام لمعسكر المعارضة وسرقة معارضة الاخرين الذين كانوا يقاومون نظام نميري الذي هم جزء اصيل وشريك فيه يتحولو من ثوب المصالح المشارك للمعارض ويعود اميرهم وامير المسلمين الذي بايعوه امير لشهواتهم الي زنديق ومرتد وكافر بعد ان طردهم ليؤكدوا للجميع مرة اخري انهم وفي ادعائهم للاسلام انما يقفون مع مصالحهم الضيقة وشهوتهم تجاه السلطة التي لا علاقة لها بالاسلام فأي نظام كان ومهما كان فجوره فهو مسلم وامير للمسلمين حينما يوفر ليهم الامان والسلطة؟؟
ولي عودة مرة اخري في *3*
الي فترة مابعد نميري وانتفاضة مارس ابريل وكيف ظهروا مرة اخري للسطح بجلد اخر ومنهج اخر